Tuesday, January 3, 2017

സഫലമാകണം ഈ പ്രവാസം

ദോഹ:കൾചറൽ ഫോറം ഖത്തർ, "സഫലമാകണം ഈ പ്രവാസം" എന്ന ക്യാമ്പയിനിന്റെ ഭാഗമായി നാട്ടിൽ ബിസിനസ്‌ സംരംഭം തുടങ്ങാനാഗ്രഹിക്കുന്നവർക്കായി പ്രസ്തുത വിഷയത്തിൽ മാർഗ്ഗനിർദ്ദേശങ്ങൾ നൽകുന്നു.

ജനുവരി 6 നു ഓയസിസ് ബീച്ച്‌ ക്ലബ്ബ് ദോഹയില്‍ വെച്ച് നടക്കുന്ന സംരഭകത്വ സംഗമത്തിൽ പ്രമുഖർ പങ്കെടുക്കുന്നു.ട്രൈനിംഗ് സെഷൻ, വിജയിച്ച ബിസിനസുകാരുടെ  അനുഭവങ്ങൾ പങ്കുവെക്കൽ, തെരഞ്ഞെടുത്ത ഡ്രീം പ്രൊജക്റ്റ്‌ അവതരണം.എന്നിങ്ങനെയുള്ള വിവിധ പരിപാടികൾ ഒരുക്കിയിരിക്കുന്നു.

വളരെ പരിമിതമായ സീറ്റിലേക്ക് പങ്കെടുക്കാൻ താൽപര്യമുള്ളവർ ഓൺലൈൻ വഴി മുൻകൂട്ടി രജിസ്റ്റർ ചെയ്യുക.

നീന്തൽ വശമില്ലാത്ത ഒരാൾ ആഴമുള്ള ആറ്റിലേക്കെടുത്തു ചാടിയാൽ? മറ്റുള്ളവരൊക്കെ നന്നായി നീന്തുന്നുണ്ടല്ലോ, ഞാൻ ചാടിയാൽ എനിക്കും നന്നായി നീന്താൻ സാധിക്കുമെന്ന ആത്മവിശ്വാസമാണു അയാളെ അതിനു പ്രേരിപ്പിച്ചതെന്നതു കൊണ്ടു മാത്രം അയാൾ രക്ഷപ്പെടുമോ? അയാൾക്ക്‌ എന്തു സംഭവിക്കുമെന്നറിയാൻ കോമൺസെൻസ്‌ മതി. പല പ്രവാസികളും അവരുടെ ബിസിനസ്‌ സംരഭങ്ങൾ തുടങ്ങുന്നത്‌ ഇതുപോലെയാണു. മറ്റുള്ളവർ വിജയിച്ചിട്ടുണ്ട്‌ എന്നതു മാത്രമാണവരുടെ ന്യായം! താൻ തുടങ്ങാൻ പോകുന്ന ബിസിനസിന്റെ ലാഭ-നഷ്ട സാധ്യതയെക്കുറിച്ച്‌ പഠിക്കുന്നതു പോകട്ടെ, ബിസിനസിന്റെ ലളിതമായ പ്രാരംഭ പാഠങ്ങൾ പോലും വശമില്ലാതെയാണു പലരും ഈ കയത്തിലേക്ക്‌ എടുത്ത്‌ ചാടുന്നത്‌. അതുകൊണ്ടാണു ഗൾഫിൽ നിന്ന് എക്സിറ്റ്‌ അടിച്ചുപോയ ആൾ രണ്ടു വർഷംകൊണ്ട്‌ തിരിച്ചുവരുന്നതു നമുക്ക്‌ നിത്യകാഴ്ചയാകുന്നത്‌.


കൂടുതൽ വിവരങ്ങൾക്ക്: 30006575 / 50900520 എന്നീ നമ്പറുകളിൽ ബന്ധപ്പെടുക.